На 11.11.2005 година, во просториите на хотелот АРКА во Скопје, во организација на Коалицијата на 22 невладини организации “Сите за правично судење”, и Одделот за владеење на правото при мисијата на ОБСЕ во Скопје, се одржа тркалезна маса со цел презентирање на заклучоците и препораките од девет месечното набљудување на предметите во врска со трговија со луѓе во сите основни судови во Македонија од извештајот “Сузбивањето на трговијата со луѓе низ практиката на домашните судови ”

На тркалезната маса, освен членовите на Коалицијата ангажирани во рамките на проектот “Набљудување на предмети во врска со трговија со луѓе”, претставници на набљудувачката Мисијата на ОБСЕ во Скопје, присуствуваа и претставници од судството, Министерството за правда и Министерство за внатрешни работи на Р. Македонија, членови на Националната комисија за борба против трговијата со луѓе, како и претставници на меѓународни организации кои дејствуваат во односната област.