Со цел да се зголеми степенот на знаење на одреден број на набљудувачи на Коалицијата со што ке се подигне квалитетот на податоците прибрани од набљудувањето, како и да се зголеми нивото на знаење на локалните и националните правни експерти, инволвирани во изработката на Извештаите на 17-18.05.2004 год . од страна на Коалицијата, ОБСЕ и Советот на Европа беше организиран тренинг за чл. 6 од ЕКЧП.

 

Тренингот започна со отварање од страна на г-дин Трајче Пеливанов, г-ин Simon Greuter, офицер во Одделот за владеење на правото во ОБСЕ и г-ѓа Hanne Juncher , експерт на Советот на Европа во Македонија . Тие ја под д ржаа идеата за унапредување на знаењето за различни стандарди за правично судење и меѓународни механизми за заштита, како фактор кој може да придонесе за обезбедување на подобар квалитет на резултатите од набљудувањата извршени во сите основни судови во Македонија и во исто време подобро влијание во насока на зголемување на почитувањето на овие стандарди во домашните судови.

 

Г-ѓа Deirdre Fottrell , предавач по право на Правниот оддел на Универзитетот на Есекс го изложи воведот во Европската конвенција за човекови права и нејзините основни принципи како и информациите кои се однесуваат на п равото на ефективно правно средство пред националните власти.

 

Г-ин Lischina , правник во Европскиот суд за човекови права даде вовед во правото на правично судење согласно чл. 6 од ЕКЧП.

 

И двајцата експерти го објаснија значењето на овој документ за состојбата на човековите права и основни слободи во европските земји. Тие го објаснија значењето на секој член од ЕКЧП како и дадоа заклучоци и многу примери од практиката.

 

По деталното презентирање на тоа кои се граѓанските права и обврски и кое е значењето на кривичното обвинение, вниманието на учесниците се насочи на Правото на правично судење согласно член 6 од ЕКЧП.

 

Посебна важност во претставувањето на сите стандарди посебно имаа големиот број на примери од праксата пред Евроспкиот суд.

 

Г - ин Ivan Lischina даде вовед во ЕКЧП и правилата на судот . Тој ја презентираше структурата на Европскиот суд , јурисдикцијата , моќта како и процесот на донесување на одлуки . Исто така детално ги објасни критериумите за прифатливост на барањата , индивидуалните апликации , предмети и . т . н .

 

Македонските предмети пред Европскиот суд за човекови права ги претстави г-ѓа Радица Геровска, владин агент, претставник на државата пред ЕСЧП. Таа подготви статистички преглед на предметите (број и вид, период, како и донесени пресуди), и ги презентираше предложените промени на Законот за парнична постапка.

 

Тренингот претставуваше одлична можност за размена на искуства во врска со импл е ментацијата на меѓународните стандарди за правично судење во домашните судови помеѓу различни актери вклучени во процесот на набљудување (набљудувачи, координатори, локални експерти, правниот аналитичар и менаџерскиот тим), како и одлични можности за унапредување на знаењето за функционирањето на ЕСЧП и практичната примена на членот 6 од ЕКЧП.